Qostanaı avtozaýytynda 1 myńnan astam jumys orny ashylady
Qostanaı avtomobıl zaýyty bıyldan bastap «Chevrolet» markasynyń jańa úlgilerin qurastyrady. Qazaqstan men Ózbekstannyń birlesken jelisinde jyl sońyna deıin 1 myńnan astam joǵary ónimdi jumys orny ashylmaq.
«Qyzmetter men óndiris sektorlary arasynda jumys kúshi ulǵaıyp keledi. Osyndaı kezde atalmysh jobanyń mańyzy erekshe.
Qazirgi ýaqytta zaýyt tolyq júktememen úsh aýysymda jumys isteıdi.
Jańa óndiristik jelide «Chevrolet» markaly avtomobıliniń Damas, Labo, Trailblazer, Malibu, Spark sııaqty birneshe túri qurastyrylady.
«Chevrolet Damas» avtobýsy men «Chevrolet Labo» júkmashınasynyńy qoljetimdi quny shamamen 3 mln teńgeni quraıdy. Bul saýda, logıstıka, aýyl sharýashylyǵy jáne ózge de salalardaǵy shaǵyn jáne orta bıznes úshin tartymdylyǵyn arttyrady»,- delingen mınıstrlik aqparatynda.
Aıta keteıik, Qazaqstanda avtomobıl jasaý – ekonomıkanyń serpindi damyp kele jatqan salalarynyń biri. Osy jyly avtomobıl óndirisiniń jalpy kólemin jylyna 100 myńǵa jetkizý josparlanyp otyr. Munyń 50%-y – kommertsııalyq tehnıkalar.
