Qostanaı aýrýhanasyna ottegi kontsentratynyń 70 danasy tapsyryldy
QOSTANAI.QazAqparat – Qostanaı oblysynda demeýshilerdiń qarajaty arqyly ottegi kontsentrattary satyp alyndy, dep habarlaıdy QazAqparat oblys ákimdiginiń jedel shtabyna silteme jasap.
Búgin oblystyq jáne Qostanaı qalalyq aýrýhanalaryna 70 dana ottegi kontsentraty tústi.
Mamandardyń aıtýynsha, 1 kontsentrator 2 adamǵa qyzmet kórsetedi. Bul quraldar tynys alý jetkiliksizdigi bar naýqastarǵa ottegi alýǵa múmkindik beredi.
«Jaqyn arada taǵy 300-den astam kontsentrat jetkiziledi dep kútilýde. Buǵan qosa Qostanaı oblysy aýrýhanalary úshin 150-ge jýyq pýlsoksımetr, 90 ottegi apparaty jáne turmystyq tehnıka satyp alyndy. Oblystyq aýrýhanaǵa 40 mln teńgeden astam somaǵa jabdyq tústi. Jitiqara aýdandyq aýrýhanasy men Beıimbet Maılın aýdanynyń aýrýhanasyna ınfraqyzyl termometrler, maskalar, respıratorlar, obaǵa qarsy kostıýmder jáne basqa da qajetti zattar qoıyldy»,- delingen shtabtyń aqparatynda.
Sonymen qatar Varvarınskoe jáne Komarov taý-ken kásiporny jaqyn arada aýdandyq aýrýhanalardyń materıaldyq-tehnıkalyq bazasyn jaqsartý úshin 33 mln teńge bóledi.
