Qostanaı-Áýlıekól tasjoly ashyldy

QOSTANAI.QazAqparat - Qostanaı oblysynyń Áýlıekól aýdanyndaǵy orman órtine baılanysty kúndiz jabylǵan «Qostanaı-Áýlıekól-Surǵan» trassasy joldyń jaqsy kórine bastaýyna baılanysty qaıta ashyldy, dep habarlaıdy QazAqparat.

«3 qyrkúıekte joldyń kórine bastaýyna baılanysty respýblıkalyq mańyzdaǵy «Qostanaı-Áýlıekól-Surǵan» tasjolynyń 8-108 km bóligin (Tobyl qalasy men Áýlıekól aýylynyń aralyǵy) ashý týraly sheshim qabyldandy»,-delingen «Qazavtojol» AQ Qostanaı fılıalynyń Instagram paraqshasynda.

Osyǵan deıin Qostanaı oblysynda orman órtiniń saldarynan joldyń durys kórinbeýine baılanysty «Qostanaı-Áýlıekól-Surǵan» jolynda barlyq kólik túrleri úshin shekteý engizilgeni habarlanǵan bolatyn.

Qostanaıǵa Qoıbaǵar, Qarasý, Altynsarın aýyldary arqyly ǵana qatynaýǵa bolatyn edi.

Janna Musabaeva