Qostanaı áýejaıyndaǵy tótenshe jaǵdaılardyń sebebi anyqtaldy
QOSTANAI. QazAqparat - Qostanaı halyqaralyq áýejaıynda bir kún ishinde eki jolaýshy ushaǵy asfaltbetondy ushý jolaǵynan shyǵyp ketti, dep habarlaıdy QazAqparat oblystyq TJD baspasóz qyzmetine silteme jasap.
17 sáýir kúni «Nur-Sultan-Qostanaı» baǵytynda ushyp kelgen AIR ASTANA kompanııasyna tıesili AIRBASSA-320 ushaǵy jumys perronyna toqtaý kezinde asfaltbetondy jolaqtan shyǵyp ketken.
«Ushaq batyp qalǵan shuńqyrdyń tereńdigi 20-30 santımetr boldy. Bort ishinde 131 jolaýshy jáne 8 ekıpaj múshesi otyrǵan. Jolaýshylar trap arqyly ózderi tústi», - dep habarlady TJD resmı ókilderi.
Sonymen qatar, keshe Qostanaı áýejaıynda AIR ASTANA ushaǵynyń jolaqtan tysqary aýmaqqa shyǵyp ketkenin habarlaǵan bolatynbyz.
«Saǵat 18:20-da «Nur-Sultan-Qostanaı» baǵytynda ushyp kelgen BOINGB-757 ushaǵynyń sol jaq shassıi jolaqtan shyǵyp ketken. Bortta jolaýshylar bolmaǵan. 8 ekıpaj múshesiniń arasynda zardap shekkender joq», - dedi vedomstvonyń baspasóz qyzmetindegiler.
Nátıjesinde SKAT kompanııasynyń «Qostanaı-Almaty» reısi bir saǵatqa keshiktirildi.
