Qostanaı áýejaıynda Qytaıda taralǵan koronavırýsqa baılanysty oqý-jattyǵý ótti
QOSTANAI. QazAqparat – Qostanaı oblysynyń Taýarlar men kórsetiletin qyzmetterdiń sapasy men qaýipsizdigin baqylaý departamentiniń qyzmetkerleri áýejaıdyń ushyp kelý zalynda ınfektsııa oshaǵyn oqshaýlaý jáne joıý boıynsha oqý-jattyǵý ótkizdi, dep habarlaıdy QazAqparat vedomstvonyń baspasóz qyzmetine silteme jasap.
Oqý-jattyǵý josparyna sáıkes, «Nursultan – Qostanaı» reısi ushaǵynyń bortynda densaýlyq jaǵdaıynyń nasharlaýyna shaǵymdanǵan naýqas áıel ushyp keldi.
Jolaýshylar ushyp kelý zalyna shyqqan kezde sanıtarlyq-karantındik pýnkttiń qyzmetkerleri baılanyssyz termometrııa júrgizdi, nátıjesinde jolaýshynyń dene qyzýynyń kóterilgeni anyqtaldy. Dostaryna qonaqqa barǵan áıeldiń Qytaıdan ushyp kele jatqany belgili boldy.
Barlyq múddeli vedomstvolarǵa dereý habarlandy. Naýqasty arnaıy kapsýlaǵa salyp, odan keıin ony shuǵyl túrde aýrýhanaǵa jetkizdi.
Oqý-jattyǵýǵa Taýarlar men kórsetiletin qyzmetterdiń sapasy men qaýipsizdigin baqylaý departamentiniń, oblystyń TJD, medıtsınalyq qyzmet mamandary qatysty.
