Qostanaı áýejaıy aktsııasynyń 50 paıyzǵa jýyǵy aýktsıonǵa shyǵaryldy

ASTANA. KAZINFORM – Qazirgi kezde Ahmet Baıtursynuly atyndaǵy «Qostanaı» halyqaralyq áýejaıy» AQ Qostanaı oblysynyń jolaýshylar kóligi jáne avtomobıl joldary basqarmasynyń balansynda. Bastapqy baǵa – 4,7 mlrd teńge.

Lot aýktsıonǵa shyǵaryldy. Qostanaı oblysy áýe aılaǵynyń 49% qarapaıym aktsııalary satylyp jatqany habarlandy. Sandyq mánde bul ornalastyrylǵan 733,9 myń aktsııanyń shamamen 359,6 myńyn quraıdy. Ony Qostanaı oblysynyń qarjy basqarmasy satylymǵa shyǵardy. Qazirgi kezde 4,7 mlrd teńge somasynda bastapqy baǵa belgilendi. Jalpy, áýejaıdyń naryqtyq quny 9,6 mlrd teńgeni qurady. Derekter baǵalaýshy kompanııanyń bıylǵy aqpan aıynda júrgizgen baǵalaýy boıynsha berilgen.

Saýdaǵa qatysýshy úshin 110,8 mln teńge tóleý kerek. Ótinishter 2024 jyldyń 26 qyrkúıegine deıin qabyldanady. Aýktsıon da sol kúni ótedi.