Qostanaı aýdanynda sheneýnikter qyzmettik ókilettigin asyra paıdalandy degen kúdikke ilindi

NUR-SULTAN. QazAqparat – Qostanaı oblysynyń Sybaılas jemqorlyqqa qarsy kúres qyzmeti Qostanaı aýdany ákimdiginiń laýazymdy tulǵalaryna qatysty sot aldyndaǵy tergeý amaldaryn bastady.

Sheneýnikter qyzmet ókilettigin asyra paıdalandy degen kúdikke ilindi. Bul týraly QazAqparat Alaý TV aqparattyq portalyna silteme jasap habarlaıdy.

Olar shaǵyn jáne orta bıznes sýbektisi bolyp tabylatyn seriktestik basshysyn Zarechnyı aýylynda gaz qubyryn ornatý boıynsha qurylys-montajdaý jumystaryna tólem retinde 10,8 mln. teńge kólemindegi aqshany berýge zańsyz májbúrlep, qyzmettik ókilettigin asyra paıdalandy degen kúdikke ilindi.

Tergeý amaldary jalǵasýda. Laýazymdy tulǵalarǵa qatysty sońǵy sheshimdi sot shyǵarady.