Qostanaı aýdanynda 50 MVt «Ybyraı» jel elektr stansasy salynyp jatyr

QOSTANAI. QazAqparat – Qostanaı oblysynyń ákimi Arhımed Qostanaı aýdanynda salynyp jatqan «Ybyraı» jel elektr stansasynyń qurylysymen tanysty, dep habarlaıdy QazAqparat.

«Qostanaı aýdanynda qýattylyǵy 50 MVt bolatyn «Ybyraı» jel elektr stansasynyń qurylysyn tekserdim. Bul nysan jeke ınvestıtsııa esebinen salynyp jatyr. Jobamen árqaısysynyń qýaty 3,2 MVt 16 jel machtasyn salý kózdeledi.

Búgingi tańda 7 machta ornatyldy, sondaı-aq ákimshilik-turmystyq keshenniń qurylysy boıynsha jumystar júrgizilýde. 2 qańtardan bastap 12 adam tartylǵan ákimshilik-turmystyq keshende árleý jumystary qaıta jandandy», dep jazdy ákim Instagram -daǵy paraqshasynda.
Nysandy paıdalanýǵa berý 2021 jyldyń shildesine josparlanǵan.
Oblys ákimi josparlanǵan barlyq jumysty ýaqytyly jáne sapaly aıaqtaýdy tapsyrdy.