Qostanaı aýdany ákimdiginiń bólim basshysy para alyp, sottaldy

QOSTANAI. QazAqparat - Qostanaı oblysynyń sybaılas jemqorlyqqa qarsy kúres qyzmeti sybaılas jemqorlyq qylmysyn jasady degen kúdikke ilingen Qostanaı aýdany ákimdiginiń «Jer qatynastary bólimi» MM basshysy S.M. Syzdyqovqa qatysty sotqa deıingi tergeýdi aıaqtady.

Bul týraly QazAqparat Sybaılas jemorlyqpen kúres qyzmetiniń málimetterine súıene otyryp habarlaıdy.

S.M.Syzdykov Qostanaı aýdanynyń Zatobol kentinde jylyjaı qurylysyna jer telimin bólgeni úshin azamattan 500 myń teńge somasynda (buryn kelisilgennen - 1 mln. teńge) para aldy degen kúdikke ilingen bolatyn.

2019 jyldyń 21 qazanyndaǵy Qostanaı aýdandyq sotynyń úkimimen Syzdykov S.M. para alǵany úshin kináli dep tanylyp, oǵan 2 jyl 7 aı merzimge bas bostandyǵynan aıyrý jáne memlekettik qyzmette laýazymdy qyzmetpen aınalysý quqyǵynan ómir boıyna aıyrý jazasy taǵaıyndaldy.