Qostanaı aýdandyq ákimdigi qaza bolǵan baqtashynyń otbasyna demeýshi izdeýde
ASTANA.QazAqparat - Qostanaı oblysy Jangeldi aýdany ákimdiginiń ókilderi órtten qaıtys bolǵan baqtashynyń otbasyna ótemaqy tóleý múmkindigi týraly áńgimilep berdi, dep habarlady «QazAqparat» HAA tilshisi.
Eske salsaq, Qostanaı oblysynda órttiń saldarynan baqtashy men 150 bas qoı órtenip ketken bolatyn. Qazir oqıǵanyń mán-jaıy anyqtalýda. Aldyn ala nusqa boıynsha, jalyn naızaǵaı túskennen tutanýy múmkin.
Aýdan ákiminiń orynbasary Baqytjan Tórbaev atap ótkendeı, qazir jergilikti bılik qaza tapqan baqtashy - Sekebaı Oralbaevtyń otbasyna ótemaqy tóleý múmkindigin izdeýde.
«Ázirge josparlap otyrmyz. Qazir demeýshi izdep jatyrmyz. Ótemaqy mólsheri jaıly da ázirge belgisiz», - dedi Tórbaev.
Tutastaı, onyń aıtýynsha, qazir baqtashynyń ólimi men qoılardyń qyrylý jaǵdaılaryn anyqtaý boıynsha tergeý júrip jatyr. Qaza tapqandardyń otbasy aýyr jaǵdaıda, Oralbaevtyń 7 balasynyń ekeýi ǵana kámelettik jasqa tolǵan.
Tórbaev atap ótkendeı, olardyń biri Áýlıekól aýdanynda medıtsınalyq qyzmetker, ekinshisi Agrotehnıkalyq kolledj stýdenti. Tórteýi mektep jasyndaǵy balalar. Mektep jasyna deıingi bir balasy anasynyń janynda. «Altyn alqa» ıegeri. «Balalary jazǵy ýaqytta «Aıdos» qojalyǵynda eńbek etken. Osylaısha aqsha, azyq-túlik alyp turǵan. Otbasynyń jaǵdaıyn baqylaýda ustaımyz, ázirge naqty eshteńe aıta almaımyn», - dedi ákimniń orynbasary.
