Qostanaı astyǵy Túrkııaǵa jol tartty
QOSTANAI. QazAqparat - Bıyl 1,5 tonna astyq Qostanaıdan Túrkııaǵa jóneltiledi, dep habarlaıdy «QazAqparat» HAA tilshisi.
Jaqynda Mersınge qostanaılyq «Asýn» JShS-ne tıesili alǵashqy astyq partııasy jiberildi. Seriktestik basshysy Ásker Mámedovtiń aıtýynsha, túrkııalyq kompanııalar qostanaılyq dándi daqyldarǵa qyzyǵýshylyq bildirýde.
«Qostanaıdan Túrkııaǵa tikeleı baǵyt ashyla salysymen, biz de múmkindikti qur jibermeýge bekindik. Áýeli, bıdaıdan bastadyq. Aldaǵy ýaqytta asburshaq, jasymyq sııaqty burshaq tuqymdas ósimdikterdi naryqqa shyǵarýdy josparlap otyrmyz. Túrkııalyq fırmalardyń bizdegi aýyl sharýashylyǵy ónimderine degen suranysy joǵary. Biz de kelissózderge daıynbyz», - deıdi Mámedov.
Belgili bolǵandaı, bıyl 1,5 tonna Qostanaı astyǵy Túrkııaǵa jóneltilmek. Oǵan 72 vagon qarastyrylǵan.
Eske salsaq, byltyr tuńǵysh ret Qostanaıdan mal azyǵy tıelgen 38 vagon Túrkııaǵa jetkizilgen. Jańa tasymal baǵyty eki el arasyndaǵy qashyqtyqty 900 júz shaqyrymǵa deıin qysqartyp, shyǵyndy azaıtady, ýaqytty únemdeıdi. Buǵan qosa, júk vagondary bos qaıtpaıdy, kerekti taýarlardy ala kelmek.
