Qostanaı, Aqtóbe oblystarynda órt saldarynan er adam men bala ajal qushty
ASTANA. 23 mamyr. QazAqparat - Qostanaı men Aqtóbe oblystarynda jeke turǵyn úıler otqa oranǵan. Bul týraly QR TJM baspasóz qyzmetinen habarlandy.
Qostanaı oblysynda tilsiz jaýdy aýyzdyqtaýǵa QR TJM Qostanaı oblystyq TJD órt sóndirý qyzmetiniń 8 mamany men 3 tehnıkasy jumyldyryldy. Jalyn 40 sharshy metr aýmaqty sharpyǵan. Oqıǵa ornynan 49 jastaǵy er adamnyń múrdesi tabyldy.
Aqtóbe oblysynyń Nıkeltaý eldi mekeninde shyqqan órt saǵat 19.55-te sóndirildi. Jalyndy aýyzdyqtaýǵa QR TJM Aqtóbe oblystyq TJD órt sóndirý qyzmetiniń 12 mamany men 2 tehnıkasy tartyldy. Tilsiz jaý jaıpaǵan aýmaqtyń kólemi 70 sharshy metrdi qurap otyr. Oqıǵa ornynan 9 jastaǵy balanyń máıiti tabyldy.
