Qostanaı ákiminiń orynbasary laýazymyn asyra paıdalaný kúdigine ilindi

NUR-SULTAN. QazAqparat - Qostanaı qalasy ákiminiń orynbasary men ákimdiktiń ózge de laýazymdy tulǵalary laýazymdyq ókilettigin asyra paıdalaný kúdigine ilikti. Bul týraly QR Sybaılas jemqorlyqqa qarsy is-qımyl agenttigi 1-shi departamenttiń asa mańyzdy ister jónindegi tergeýshisi Qaısar Barjaqsynov aıtty, dep habarlaıdy QazAqparat tilshisi.

«Qostanaı oblystyq sybaılas jemqorlyqqa qarsy qyzmet Qostanaı qalasy ákiminiń orynbasary men ákimdiktiń ózge de laýazymdy tulǵalaryna qatysty sotqa deıingi tergeýdi bastady. Olar jer teliminiń nysanaly maqsatyn dúkenniń qurylysyna zańsyz aýystyrý jáne oǵan sáýlettik-josparlyq tapsyrma berý kezinde laýazymdyq ókilettikterin asyra paıdalaný kúdigine ilindi»,- dedi Qaısar Barjaqsynov.

Sonymen qatar ol QR QPK 201-babyna sáıkes ózge aqparat tergeý múddesi úshin jarııalaýǵa jatpaıtyndyǵyn eskertti.