Qostanaı ákiminiń burynǵy orynbasary bostandyqqa shyqty
QOSTANAI. QazAqparat - Para alǵany úshin sottalǵan Qostanaı ákiminiń burynǵy orynbasary Maqsut Qalıev sotta jaza merzimi (4 jyl) aıaqtalmaǵanyna qaramastan, bostandyqqa shyǵatyn boldy, dep habarlady «QazAqparat» HAA tilshisi Qostanaı oblystyq sotynyń baspasóz qyzmetine silteme jasap.
Qalıev Arqalyq qalalyq sotyna qylmystyq jazasynyń ótelmegen bóligin jazanyń jumsaq túrine aýystyrý týraly qoldaýhatpen júgingen, ótinish qanaǵattandyryldy. «Sotta ÝK 161/12 mekeme ókili Qalıevti oń qyrynan sıpattady, - dep naqtylanady baspasóz qyzmetiniń aqparatynda.
«Qoldaýhatty qaraý kezinde sottalýshy jazasynyń úshten biri alynyp tastaldy. Jazasyn óteýshi Qalıevte tólemi joq, sot úkimi boıynsha protsessýaldyq shyǵyndy óz erkimen japqan. Іs boıynsha azamattyq talap aryzy joq. Sot qaýlysymen sottalýshynyń ótelmegen jazasynyń bóligi barlyq qylmystyq jaza merziminde probatsııalyq baqylaý belgileı otyryp, 1 jyl 10 aıǵa bas bostandyǵyn shekteýge aýystyryldy.
Atap aıtqanda, bostandyqqa shyqqan burynǵy sheneýnik saǵat 22-den tańǵy saǵat 6-ǵa deıin turatyn jerinde bolýǵa mindetti. Ýákiletti memlekettik organnyń habarlamasynsyz turǵylyqty jeri men jumysyn aýystyrýǵa bolmaıdy.
Basqa jerge jazbasha ruqsatsyz shyǵýǵa tyıym salynady. Bosatylǵannan keıin úsh jyl ishinde Qalıev salyq organyna turǵylyqty jerinen múlki men tabystary týraly dekloratsııa tapsyrýy tıis. Qaýly zańdy kúshine endi.
