Qostanaı ákimi júgirýden ótken qaıyrymdylyq jarysyna qatysty
«Alǵa basý - Dvıjenıe vpered!» qaıyrymdylyq marafony «QR Táýelsizdigine 25 jyl» saıabaǵynda ótti. Oǵan óńirdiń memlekettik qyzmetshileri, úkimettik emes uıymdar men qoǵamdyq birlestik ókilderi, qala turǵyndary qatysty. Bas-aıaǵy 700-ge jýyq adam 2,4 shaqyrym qashyqtyqty júgirip ótti. Júgirý alańyna oblys ákimi Arxımed Muxambetov te shyǵyp, jastarǵa úlgi kórsetti.
«Elbasy óziniń jyl saıynǵy joldaýlarynda salaýatty ómir saltyn nasıhattaý týraly aıtyp keledi. Sporttyq sharalardy ótkizý ult saýlyǵynyń kepili sanalady. Búgingi jarystyń maqsaty - zárý jandarǵa qaıyrymdylyq jasaý. Sol sebepti mundaı ıgi bastamada eshkim de syrt qalyp qoımaýy tıis», - dep atap ótti Arhımed Muhambetov.
Sybaılas jemqorlyqqa qarsy is-qımyl agenttiginiń oblystyq departamentiniń basshysy Salaýat Múksimov aıtqandaı, atalǵan shara memlekettik qyzmet organdarynyń 20 jyldyǵyna arnaldy.
Aıta keteıik, respýblıka boıynsha ótken qaıyrymdylyq sharaǵa 14 myńnan asa memlekettik qyzmetker qatysty. Jınalǵan qarjy «Balalarǵa ómir syıla» qoryna tabystalady.
