Qostanaı ákimi «Qazaqstannyń úzdik taýary» kórme-baıqaýynyń jeńimpazdaryn marapattady
QOSTANAI. QazAqparat - Qostanaıda jergilikti taýar óndirýshi kompanııalardyń qatysýymen «Qazaqstannyń úzdik taýary» kórme-baıqaýy ótti, dep habarlaıdy QazAqparat Qostanaı oblysy ákimdiginiń baspasóz qyzmetine silteme jasap.
Baspasóz málimetterine qaraǵanda, «Kostanay Plaza» saýda-oıyn-saýyq kesheninde uıymdastyrylǵan kórmege túrli taýar óndirýshilerdiń nan, shujyq, sút ónimderi jáne toqyma men zergerlik buıymdary qoıyldy.
Baıqaýǵa qatysýǵa barlyǵy 29 kompanııadan ótinish túsken. Olar «Óndiristik maqsattaǵy úzdik taýar», «Halyqqa arnalǵan úzdik taýar», «Úzdik tutyný taýary» sııaqty úsh atalymda synǵa tústi.
Aımaq basshysy Arhımed Muhambetov baıqaý jeńimpazdaryn marapattady.
Nátıjesinde «Óndiristik maqsattaǵy úzdik taýar» atalymynda «Germes 4» JShS, «SaryarqaAvtoProm» JShS, «MedıDez» JShS úzdik dep tanylsa, «Halyqqa arnalǵan úzdik taýar» júldesine «Dombaev» JK, «Sodalıt» zergerlik kompanııasy jáne «Triera KZ» JShS laıyqty boldy.
Al «Úzdik tutyný taýary» atalymynda «PIK» fırmasy, «Karagýlın» JK men «Akva-Arasan» JShS marapattaldy.
Aımaqtyq týrdyń jeńimpazdary respýblıkalyq baıqaýda baq synaıtyn bolady.
