Qostanaı ákimdigine qarasty mekeme basshysy 15 táýlikke qamaldy

QOSTANAI. QazAqparat – Qostanaı qalasy ákimdigine qarasty «Qostanaı-Sý» memlekettik kommýnaldyq kásipornynyń basshysy 15 táýlikke qamalyp, 8 jylǵa kólik basqarý quqyǵynan aıyryldy. QazAqparat bul týraly Qostanaı oblystyq sotynyń resmı saıtyna silteme jasap habarlaıdy.

Qostanaı qalasynyń ákimshilik quqyq buzýshylyqtar jónindegi mamandandyrylǵan soty Qostanaı ákimdigine qarasty «Qostanaı-Sý» MKK basshysyna qatysty ákimshilik isti qarady.

«Sotta anyqtalǵandaı, 2021 jyly 27 qarashada «Chevrolet» markaly avtokóligin tizgindegen F. esimdi azamat ishki ister organdary qyzmetkerleriniń alkogoldik, esirtkilik jáne (nemese) ýytqumarlyq masańdyqty anyqtaý úshin medıtsınalyq kýálandyrýdan ótý týraly zańdy talabyn oryndamaǵany dáleldendi.

Azamat F. óz áreketi úshinQRÁQBtK-niń 613-baby 4-bóligi boıynsha ákimshilik jaýapqa tartyldy. Ol 15 táýlikke qamaýǵa alynyp, 8 jylǵa transporttyq quraldy basqarý quqyǵynan aıyryldy. Qaýly zańdy kúshine endi», - delingen sot málimetinde.