Qostanaı ákimdigindegi para alý isiniń fıgýranty raqymshylyqqa ilikti
QOSTANAI. QazAqparat - Qostanaı ákimdigindegi atyshýly istiń fıgýranty, kásipker Gagık Ovnanıan raqymshylyqqa quqyq aldy, dep habarlady «QazAqparat» HAA tilshisi.
Bul sheshimdi jazasyn óteýshiler men olardyń ókilderiniń shaǵymdary men qoldaýhattaryn, sondaı-aq QR Joǵarǵy soty kassatsııalyq alqasyndaǵy qadaǵalaý organynyń narazylyǵyn qaraý barysynda qabyldady. Prokýratýra Ovnanıanǵa jazany jumsartýǵa qatysty daýlasýǵa tyrysty, alaıda onyń narazylyǵy qanaǵatttandyrýsyz qaldy.
Sot Ovnanıannyń múddesin qorǵaýshy advokat Mıhaıl Şýranyń qoldaýhatyn qanaǵattandyrdy. Onyń áreketin QR QK 367-baby, 4-bóligi, 367-baby, 3-bóligi boıynsha jiktedi. Para berý tujyrymynan birneshe ret degen belgi alyp tastaldy, sonyń arqasynda Ovnanıan raqymshylyqqa ilikti. Kolonııada 3 jyl 6 aı bas bostandyǵynan aıyrý túrindegi jaza burynǵysha qaldy, alaıda ótelmegen bóligi 1 jyl 6 aıǵa deıin qysqartyldy.
Eske salsaq, Qostanaıda aýqymdy para jaıynda is boıynsha qala ákimi Ahmedbek Ahmetjanov, onyń eki orynbasary Maqsut Qalıev pen Frýnzık Arakelıan, kásipkerler Leonıd Vasılev, Sergeı Bıktıbaev pen Gagık Ovnanıan túrli merzimderge bas bostandyqtarynan aıyryldy. Ovnanıan osy tizim ishinen raqymshylyqqa ilikken ekinshi adam, budan buryn burynǵy sheneýnik Arakelıan raqymshylyqqa qol jetkizgen.
Eske salsaq, Qostanaı №2 sotynyń 7 sáýirdegi úkimimen qala ákiminiń burynǵy orynbasary Arakelıan QR QK 366-baby, 3-bóligi, 2-tarmaǵy boıynsha sottalǵan, oǵan múlki tárkilenip, 7 jylǵa bas bostandyǵynan aıyrý jazasy taǵaıyndaldy. Sottyń qylmystyq ister jónindegi sot alqasynyń 10 maýsymdaǵy qaýlysymen Arakelıanǵa qatysty sot úkimi ózgertildi.
Oǵan taǵaıyndalǵan 7 jyl 3 jyl 6 aıǵa qysqartyldy. 2016 jylǵy 13 jeltoqsandaǵy «Táýelsizdiktiń 25 jyldyǵyna baılanysty raqymshylyq týraly» QR Zańyna sáıkes jaza merziminiń ótelmegen bóligi 6 aı 15 kúnge qysqartyldy.
