Qostanaı ákimdigindegi para alý isine qatysy bar sottalýshy bostandyqqa shyǵýy múmkin
QOSTANAI. QazAqparat - Búgin Qostanaıdaǵy №2 soty Qostanaı qalalyq ákimdigindegi para alý isine qatysty sottalýshynyń jazasyn óteý merzimin aıyppul tóleýge almastyrýǵa úkim shyǵardy.
Bul týraly «QazAqparat» HAA tilshisine sottyń keńsesi habarlady.
Alǵashqyda para bergeni úshin aıyptalǵan kásipker Gagık Ovnanıan jazasyn óteýdi aıyppulǵa almastyrýǵa múmkindik aldy.
Zańǵa sáıkes, aıyppuldyń somasy tórt kún qamaýda otyrý 1 AEK-men esepteledi. Ovnanıannyń qalǵan 1 jyl 5 aı 24 kúni 305740 teńgeni quraıdy.
Ótken jyly «Syl» qurylys fırmasynyń dırektory Gagık Ovnanıan eki kásipkermen jáne memlekettik sheneýniktermen, sonyń ishinde Qostanaı qalasynyń burynǵy ákimi Ahmedbek Ahmetjanovpen birge sottalǵan bolatyn.
Birinshi ınstantsııadaǵy sottyń úkimimen Ovnanıanǵa jeke múlkin tárkileýmen 10 jyl bas bostandyǵynan aıyrý jazasy kesilgen edi. Keıinnen Qostanaı oblystyq sotynyń apellıatsııalyq alqasy onyń merzimin múlkin tárkileýsiz 3,5 jylǵa qysqartty. Jańa jyl qarsańynda Joǵarǵy sot Ovnanıanǵa raqymshylyq tanytty: jazasy ózgerissiz qaldy, biraq ony óteý merzimi 1,5 jylǵa azaıdy. Endi sottyń jańa sheshimimen Ovnanıan jarty aıdan soń bostandyqqa shyǵýy yqtımal.
