Qostanaı ákimdigi turǵyndardyń ótinishterin áleýmettik jelilerde qabyldaıdy
QOSTANAI. QazAqparat - Qostanaı qalasy ákimdiginiń turǵyn úı qatynastary bólimi WhatsApp jáne Instagram jelileriniń kómegimen turǵyndardyń ótinishterin qabyldaıdy, dep habarlaıdy QazAqparat qala ákimdiginiń baspasóz qyzmetine silteme jasap.
Qostanaı qalasy ákimdiginde ótken jıynda qaladaǵy turǵyn úı kooperatıvteriniń qoljetimdiligi týraly máseleler kóterildi. ShaHar basshysynyń orynbasary Oljas Nurǵalıev jıyn barysynda birneshe usynystardy ortaǵa saldy. Solardyń biri - áleýmettik jelilerdi paıdalanyp, turǵyndardyń ótinishterin qaraý.
«Qostanaı qalasy ákimdiginiń turǵyn úı qatynastary Whatsapp mesendjeri jáne «Instagramm» áleýmettik jelisi arqyly turǵyndardyń ótinishterin qabyldaýy tıis. Osylaısha, halyqtyń naqty problemalaryna nazar aýdarýǵa bolady. Sebebi, qazir kez kelgen adam áleýmettik jelilerge shyǵa alady», - dedi qala ákiminiń orynbasary.
Jıynǵa qatysqan PITK, PIK, JShS basshylary bul usynysty biraýyzdan maquldady. Sondaı-aq, «Tazalyq 2012» JShS qaladaǵy qoqys konteınerlerin shyǵarýǵa jaýapty bolyp bekitildi.
