Kosta-Rıkadaǵy kýrorttyq aýdanda qoltyraýyndy ustaý boıynsha shara júrgizildi
ASTANA. QazAqparat - Kosta-Rıkada Tynyq muhıty jaǵalaýyndaǵy kýrorttyq aýdandarynyń birinde qoltyraýyndy ustaý boıynsha aýqymdy shara júrgizildi.
Qoltyraýyndy Hako jaǵajaıynda demalyp jatqan adamdar baıqap, dereý bılik ókilderine habarlaǵan.
Oqıǵa ornyna órt sóndirý, Qyzyl Krest jáne polıtsııa qurylymdary shuǵyl jetip, uzyndyǵy 3,5 metrge jetetin qoltyraýyndy ustaýǵa kiristi. Olar eriktiler men katerdiń kómegine júgindi. Aýlanǵan qoltyraýynnyń salmaǵy 350 keli bolǵan.
Janýar qorshaǵan orta mınıstrliginiń baqylaýyna tapsyryldy. Keıin ol qoltyraýyndar mekendeıtin ózenderdiń birine jetkiziledi.
