Kosta-Rıkada daýylǵa baılanysty tótenshe jaǵdaı jarııalady
ASTANA. QazAqparat - Sársenbi kúni keshke Kosta-Rıka prezıdenti Lýıs Gılermo Solıs «Otto» daýylynyń jaǵaǵa jaqyndaýyna baılanysty el aýmaǵynda tótenshe jaǵdaı jarııalady.
Tótenshe qyzmet basshylyǵymen kezdesken soń Solıs baspasóz konferentsııasyna qatysyp, jaqyn arada TJ rejımi týraly qaýlyǵa qol qoıýǵa ýáde berdi jáne óziniń Týıtter paraqshasnyda jeke sektor basshylaryna óz qyzmetkerlerin qorǵaýǵa qajetti sharalar júrgizýge jáne paraqshasynda beısenbi, juma, demalys kúnderi jumysty ýaqytsha toqtata turýǵa keńes berdi. Sonymen birge, prezıdent qaýiptiń «qyzyl» deńgeıin eldegi taǵy birneshe aýdanǵa ulǵaıatynyn habarlady.
Buǵan deıin bılik qutqarý qyzmetterin tolyq daıyndap, jaǵaǵa jaqyn ornalasqan aýdandardan 4 myń adamdy kóshirgen edi, dep habarlaıdy QazAqparat.
Sársenbi kúni keshke Karıb teńizindegi «Otto» tropıkalyq daýyly taǵy da birinshi sanatqa deıin kúsheıdi, dep habarlaıdy AQSh-tyń daýyldy baqylaý jónindegi ulttyq ortalyǵy. Daýylda jeldiń jyldamdyǵy saǵatyna 121-137 shaqyrymǵa deıin jetedi jáne qazir Kosta-Rıka men Nıkaragýa jaǵalaryna qaraı jaqyndap qaldy.
