Kosta-Rıka telearnasy Dımash Qudaıbergenge efır arnady

Kosta-Rıkanyń eń tanymal telearnalarynyń biri Multimedios CR alǵash ret Dımash Qudaıbergen týraly baǵdarlama shyǵardy. Júrgizýshiler qazaqstandyq ártistiń ómirbaıanymen tanystyryp, onyń S.O.S ánin efırde qosty, dep habarlaıdy QazAqparat dimashnews.com saıtyna silteme jasap.

Multimedios medıaholdıngi 1933 jyly qurylǵannan beri úlken tanymaldylyqqa ıe boldy jáne qazir óz baǵdarlamalaryn tek Meksıkada ǵana emes, Kosta-Rıkada, AQSh-ta jáne Ispanııada taratady.

«Bul oqıǵa elimizdiń buqaralyq aqparat quraldarynda súıikti ártistiń shyǵarmashylyǵyn taratýdyń bastapqy núktesi boldy. Kosta-Rıkada múmkindiginshe kóp adam onyń keremet mýzykasy men ádemi daýysyn estise deımiz», – deıdi Dımashtyń Kosta-Rıkadaǵy fanattary.