Kosta-Rıka kóshýge eń ońaı el bolyp tanyldy

ASTANA. KAZINFORM - Kosta-Rıka kóshýge eń ońaı el bolyp tanyldy. InterNations júrgizgen saýalnamaǵa sáıkes, bul el eki negizgi baǵyt boıynsha birinshi oryn alyp, qalǵan barlyq faktorlar boıynsha alǵashqy 10-dyqqa endi. 

Zertteýge álemniń 53 elinen kem degende 50 ekspat qatysty. Kosta-Rıkaǵa kóshken adamdardyń kópshiligi (83 paıyzy) ózderin úıindegideı sezinetinin jáne óte jaqsy qarsy alǵanyn aıtty (88 paıyz).

Respondentterdiń basym kópshiligi jergilikti mádenıetke beıimdelý óte ońaı ekenin jetkizgen. Sonymen qatar, saýalnamaǵa qatysqan sheteldikter jergilikti turǵyndardy álemdegi eń qonaqjaı dep sanaıdy.

Indekste ekinshi oryndy «dos tabý» sanatynda kósh bastap turǵan Meksıka ıelendi. Osy sanat aıasynda sheteldikter ózderiniń áleýmettik ómirlerine qanshalyqty qanaǵattanǵandary, jańa elde dostar tapqan-tappaǵany jáne jergilikti halyq arasynda jańa tanystar tabý qanshalyqty ońaı ekendigi baǵalandy.

Úzdik úshtikti Fılıppın aıaqtady. Bul el saýalnamadaǵy faktorlardyń eshqaısysynda 6-orynnan tómen túsken joq.

Ekspattardyń kóshýi eń qıyn elder – Kýveıt, Norvegııa jáne Germanııa.

Eske sala keteıik, Kosta-Rıka telearnasy Dımash Qudaıbergenge efır arnady.