Kosta-Rıka fýtbolshylaryn dopıngke tekserýge jiberdi
ASTANA. QazAqparat - Italııa men Kosta-Rıka quramalarynyń matchynan keıin sońǵylaryna dopıng paıdalandy degen kúdik taǵylyp, 7 oıynshy tekserýden ótýge jiberildi. Bul týraly Vesti.kz portaly jazdy.
Portaldyń jazýynsha, halyqaralyq standarttarǵa sáıkes, mundaı jaǵdaıda ár komandadan tek eki oıynshy dopıng-testke jiberilýi tıis kórinedi.
«Jeti oıynshynyń beseýi chempıonattyń aldynda dopıng-testen ótpegen. Sondyqtan olar da jiberilip otyr», dep jazady FIFA-nyń resmı saıty.
Aıta keteıik, D tobyndaǵy kosta-rıkalyqtar Italııa quramasyn 20 maýsym kúni 1:0 esebimen jeńgen bolatyn. Matchtaǵy jalǵyz goldy Kosta-Rıka quramasynyń oıynshysy Braıan Rýıs saldy.
