Kosta-Rıka alǵashqy bolyp balalarǵa koronavırýs vaktsınasyn egýdi mindetti etti

SAN-HOSE. QazAqparat – Ortalyq Amerıkadaǵy Kosta-Rıka memleketi álemde birinshi bolyp 5-11 jas aralyǵyndaǵy balalarǵa koronavırýsqa qarsy ekpeni mindetti etti, dep habarlaıdy QazAqparat BBC-ge silteme jasap.

«Ulttyq vaktsınatsııa jáne epıdemıologııa komıssııasy uldardyń, qyzdardyń jáne jasóspirimderdiń múddesin qorǵaý maqsatynda [...] Covid-19-ǵa qarsy ımmýndaýdy barlyq balalarǵa mindetti etýdi sheshti», - dedi Kosta-Rıka densaýlyq saqtaý mınıstrliginen.

Mınıstrlik kovıdke qarsy vaktsınany osy jyldyń naýryz aıynda halyq úshin mindetti ekpeler tizimine engizgen edi, endi bul ereje balalarǵa da qatysty bolmaq.

Kostarıkalyq balalarǵa ekpe egý kelesi jyldyń naýryzynda bastalady. Memleket amerıkalyq Pfizer kompanııasymen 3,5 mln doza vaktsına aldyrý týraly kelisim jasady. Onyń ishinde 1,5 mln dozasyn balalar úshin arnaıy aldyrtady. Qalǵan eki mıllıon vaktsınany eresekterge úshinshi ret egedi.