Kosta-Rıka 100 paıyz «jasyl» energııaǵa kóshti
ASTANA. QazAqparat - Ortalyq Amerıkada ornalasqan Kosta-Rıka Respýblıkasy 100 paıyz energııany jańartylǵan energııa kózderinen alýǵa kóshti. Bul týraly el prezıdenti Lýıs Solıs Ortalyq Amerıkadaǵy eń úlken sý elektr stantsııasynyń ashylý saltanatynda málimdedi, dep jazady khabar.kz.
Buǵan deıin Latyn Amerıkasyndaǵy bul el Astanada 2017 jyly ótetin EXPO kórmesine qatysatynyn málimdegen bolatyn.
Bir shetin Tynyq muhıty, ekinshi jaǵyn Karıb teńizi shaıyp jatqan Kosta-Rıkada sý elektr stansalar júıesi jaqsy damyǵan. Oǵan qosa elde taýdan sarqyrap aǵatyn ózender men janartaý atqylaıtyn aımaqtar da az emes. Jaǵalaýda esken jelde de esh tynym joq.
Tabıǵattyń osy qubylystaryn Latyn Amerıkasyndaǵy nebári 5 mıllıonǵa jýyq halqy bar Kosta-Rıka bıligi tıimdi paıdalanyp otyr. Eldi elektr qýatymen qamtamasyz etetin ınstıtýt mamandarynyń málimetinshe, memleket óz-ózin 100 paıyz «jasyl» energııamen qamtamasyz etýge qaýqarly.
