«Kosta Konkordıa» krýızdik kemesiniń kúıreýiniń saldarynan 40-tan astam adam joǵalyp ketken
ASTANA. 15 qańtar. QazAqparat - Italııanyń Djılo aralynyń jaǵalaýynda «Kosta Konkordıa» krýızdik kemesi kúıreýiniń saldarynan 40-tan astam adam joǵalyp ketken.
Onyń bortynda 4, 3 myń adam bolǵan. Frantsııanyń 2 týrısi men Perý eliniń bir azamaty qaza tapty, 70-ten astam adam jaraqattandy.
Bul týraly ITAR-TASS agenttigi habarlaıdy.
Esterińizge sala keteıik, apat 13 qańtar kúni oryn alǵan ıtalıandyq «Kosta Konkordıa» kemesi Rım qalasynan 100 shaqyrym jerdegi Chıvettavekkıa portynan shyqqannan keıin, 2,5 saǵattan keme apatqa ushyraǵan. Rıftiń qatty soqqysynan bortta jaryq sónip, muhıt kemesi bir shetke aýdaryla bastady.
Qazirgi ýaqytta apattyń saldary anyqtalyp jatyr.
Kemeniń kapıtany Franchesko Skettıno qasaqana emes ólim úshin jáne de salqyndyq tanytqany úshin tutqynǵa alyndy. Jergilikti proýratýra tergeý amaldaryn júrgizip jatyr. Osy qylmysy úshin ony 10 jylǵa bas bostandyǵynan aıyraýy múmkin.
