Qosshydaǵy HQO jańa ǵımaratqa kóshti
NUR-SULTAN. QazAqparat – Elorda mańyndaǵy Qosshy aýylynda jańa Halyqqa qyzmet kórsetý ortalyǵy ashyldy, dep habarlaıdy QazAqparat tilshisi.
«Qosshy turǵyndary úshin jaqsy jańalyq. Halyqqa qyzmet kórsetý ortalyǵy Respýblıka kóshesindegi ǵımaratqa kóshti. Qazirgi tańda Qosshyda 85 myń adam turady. Kenttiń árbir turǵyny memlekettik qyzmet alý úshin Halyqqa qyzmet kórsetý ortalyǵyna keledi», - dep jazdy «Azamattarǵa arnalǵan Úkimet» memlekettik korporatsııasynyń qoǵammen baılanys departamentiniń dırektory Murat Jumanbaı Facebook -tegi paraqshasynda.
Buryn bul HQO «Lesnaıa polıana» aýdanyndaǵy úılerdiń birindegi astyńǵy qabatta ornalasqan edi. Ortalyq endi jańa ǵımaratqa kóship otyr.
«Bólimde 4 maman jumys isteıdi. Sonymen qatar óz-ózine qyzmet kórsetý sektory da bar. Ótken jyly ǵana HQO 42 myń memlekettik qyzmet kórsetken», - deıdi ol.
foto: facebook.com
