Qosshydaǵy «Diamond park» turǵyn úı kesheni merdigerleri tergelip jatyr

KÓKShETAÝ. QazAqparat - Aqmola oblysynyń Qosshy qalasyndaǵy «Diamond park» turǵyn úı keshenine boıynsha merdigerlerdiń ústinen qozǵalǵan qylmystyq is jaqynda aıaqtalyp, sotqa joldanady. Bul týraly Qosshy qalalyq Polıtsııa bóliminiń bastyǵy Talǵat Saqanov QazAqparat tilshisine aıtyp berdi.

«Diamond park» turǵyn keshenine qatysty qylmystyq isti sáýirdiń 10-na deıin tergep, prokýratýraǵa joldaımyz. Osy iske qatysty eki merdigerde qazirgi kezde ýaqytsha ustaý ortalyǵyna qamalǵan. Úleskerlerdiń barlyǵy qylmystyq is barysynda zardap shegýshiler dep tanylǵan», - dep túsindirdi Qosshy qalalyq Polıtsııa bóliminiń bastyǵy, polıtsııa polkovnıgi Talǵat Saqanov.

Aıta ketsek, atalmysh «Diamond park» turǵyn úı keshenindegi 20 úıdiń tek 13-i salynǵan. Bul rette alǵashqy jeti úı ǵana qajetti qujattarmen paıdalanýǵa berildi. Qalǵan jeti úıdiń úleskerleri úsh jyldan beri qurylystyń aıaqtalýyn jáne qurylysty zańdastyrýdy taǵatsyzdana kútýde.

Bul rette qala ákimdigi «Diamond park» turǵyn úı keshenindegi úleskerlerdiń máselesi nazarda ekenin aıtty.