Qosshyda jolaýshylar avtobýsy men KamAZ soqtyǵysty: Zardap shekkender bar
NUR-SULTAN. QazAqparat - Elorda túbindegi Qosshy eldi mekeninde jolaýshylar avtobýsy men KamAZ júk kóligi soqtyǵysty. Bul aqparatty STC kompanııasynyń baspasóz qyzmetinen rastady, dep habarlaıdy QazAqparat tilshisi.
«Búgin saǵat 14:05-te «Lesnaıa polıana» turǵyn úı alaby mańyndaǵy Qarqaraly tas joly men Respýblıka kóshesiniń qıylysyndaǵy baǵdarshamnyń isten shyǵýy saldarynan №303 baǵdaryndaǵy avtobýs pen «KamAZ» avtokóligi soqtyǵysty. Jol-kólik oqıǵasy kezinde avtobýs ishinde 25-ke jýyq jolaýshy boldy», - dep atap ótedi kompanııadan.
Taratylǵan málimetke qaraǵanda, avtobýs júrgizýshisi saǵatyna 17 jyldamdyqpen qosalqy kósheden shyǵyp, «KamAZ» júk kóligimen qaqtyǵysqan. Qazirgi málimet boıynsha, jól-kólik oqıǵasy saldarynan onnan astam adam zardap shekti. Qosymsha málimetter anyqtalyp jatyr.
«Jol-kólik oqıǵasy saldarynan avtobýstyń sol jáne aldyńǵy jaǵy zaqymdaldy. Júrgizýshi zardap shekken joq. Onyń qoǵamdyq kóliktegi tájirıbesi 25 jyl. Reı̆s aldyndaǵy medıtsınalyq tekserýden búgin saǵat 05:00-de ótken. 2019 jyly biliktilikti joǵarlatý ortalyǵynda oqyǵan», - delingen taratylǵan aqparatta.
