Qosshyda joǵalyp ketken 5 jasar qyz tabyldy
QOSShY. QazAqparat – Aqmola oblysynyń polıtseıleri mektepke bara jatyp adasyp qalǵan bes jasar balany izdep tapty, dep habarlaıdy QazAqparat tilshisi.
Aqmola oblysynyń polıtsııa departamentiniń baspasóz qyzmetinen málim etkendeı, 19 qarashada «Lesnaıa Polıana» turǵyn úı kesheninde turatyn qyz bala daıarlyq sabaǵyna barý úshin saǵan 11.00-de úıinen shyqqan. Alaıda ol mektepke deıin jetpepti. Balasynyń mektepke kelmegenin anasy túste ǵana bilgen. Qyzyn taba almaı alasurǵan ana aqyry polıtsııaǵa habar beripti. Quqyq qorǵaýshylar balany aýlalardyń birinen taýyp alǵan.
«Kishkentaı bala kórshi aýladaǵy qurbysyna baryp, sonda oınap júrgeni anyqtaldy. Aman-esen anasyna oraldy. Qýanyp qalǵan áke-sheshesi polıtsııa qyzmetkerlerine alǵys aıtyp», - deıdi departamentiniń baspasóz qyzmetinen.
