Qosshyda soǵys ardageri saılaýshylarǵa bata berdi

KÓKShETAÝ. QazAqparat – Májilis pen barlyq deńgeıdegi máslıhattar depýtattarynyń saılaýyna qosshylyqtar da belsene qatysýda, dep habarlaıdy QazAqparat tilshisi.

Qosshy qalasynda 12 saılaý ýchaskesi jumys isteýde. Solardyń biri – Raqymjan Qoshqarbaev atyndaǵy №1 orta mektepte ornalasqan № 745 saılaý ýchaskesi. Saılaý ýchaskesi ashylǵan sátten bastap, qala turǵyndary saıası naýqanda belsendilik tanytýda

Saılaýshylar arasynda Uly Otan soǵysynyń ardageri Nurqasym Ájitaev ta bar. Jasy júzge taıaǵan qarııa óz aıaǵymen saılaý ýchaskesine baryp, eldiń bolashaǵy úshin óz tańdaýyn jasady jáne saılaýshylarǵa jyly lebizin aıtyp, aq batasyn berdi.

«Elimizdiń táýelsizdigi baıandy ári tuǵyrly bolsyn. Búgingi saıası dodaǵa áýletimizben kelip óz tańdaýymyzdy jasadyq. Elimiz aman, jurtymyz tynysh bolsyn!» – dedi aqsaqal.

Sonymen qatar, ulttyq kıim kıip, áýletimen birge kelgen aqsaqalǵa saılaý ýchaskesinen aǵash astaý syıǵa berildi.

Aıta ketsek, 70 jastaǵy taksıst apaı óz tańdaýyn jasady.