Qosshyda demalys bazasy órtenip jatyr
NUR-SULTAN. QazAqparat — Aqmola oblysyna qarasty Qosshy qalasyndaǵy demalys bazalarynyń bireýi órtenip jatyr, dep habarlaıdy QazAqparat tilshisi.
Oqıǵa ornynda birneshe órt sóndirý tehnıkasy men tótenshe jaǵdaılar departamentiniń mamandary jumys istep jatyr.
Demalys bazasynyń qyzmetkerleri QazAqparat tilshisine órt shyqqan kezde ǵımaratta adam bolmaǵanyn aıtty.
Aqmola oblysy tótenshe jaǵdaılar departamenti baspasóz qyzmetiniń ókili Dınara Esenbaevanyń aıtýynsha, órtti sóndirýge Nur-Sultan qalasynan qutqarýshylar shaqyrylǵan.
«2 naýryz kúni saǵat 13.23-te Qosshy qalasynyń Áıteke bı kóshesindegi 33 «a» mekenjaıy boıynsha ornalasqan «Chıstye prýdy» demalys aımaǵynyń aýmaǵynda ǵımarattyń shatyrynan órt shyqqan. Órttiń alyn ala sebepteri men sharpyǵan aýdan anyqtalyp jatyr. Qurban bolǵandar men zardap shekkender joq. Oqıǵa ornyna Aqmola oblysy tótenshe jaǵdaılar departamentiniń 1 tehnıkasy men 4 qyzmetkeri, Nur-Sultan qalasy tótenshe jaǵdaılar departamentiniń 2 tehnıkasy men 7 qyzmetkeri bardy. Órt áli sóndirilgen joq», - delingen Aqmola oblysy tótensha jaǵdaılar departamentiniń baspasóz qyzmeti bergen málimette.
