Qosshy turǵynyn birneshe jerden pyshaqtap óltirgen kúdikti ustaldy

KÓKShETAÝ. QazAqparat - Aqmola oblysyndaǵy Qosshy qalasy turǵynynyń ólimine qatysty qylmystyq is tergelýde, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetinshe, bıylǵy jyldyń 15 qańtarynda keshki saǵat 22:45 shamasynda Qosshy qalalyq PB kezekshi bólimine jergilikti turǵyn habarlasyp, pyshaq jaraqatyn salý oqıǵasynyń kýágeri bolǵanyn aıtty.

«Oqıǵa ornyna dereý jedel-tergeý tobynyń qyzmetkerleri jetti. Tártip saqshylary jetkende 56 jastaǵy er adam ishi, moıyn, sol jaq ıyq jáne sheke tusyna salynǵan pyshaq jaraqatynan kóz jumǵan. Osy oqıǵaǵa baılanysty Qylmystyq kodekstiń 99-baby «Adam óltirý» boıynsha sotqa deıingi tergeý amaldary qolǵa alyndy. Jedel-izdestirý sharalary barysynda polıtsııa qyzmetkerleri kúdiktiniń jeke basyn anyqtady. Ol kóz mert bolǵan adamnyń 57 jastaǵy tanysy bolyp shyqty. Kúdikti buryn sotty bolmaǵan, ol birden qamaýǵa alyndy», - dedi vedomstvodan.

Anyqtalǵandaı, er adamdar birlesip, alkogol ishimdik ishken. Keıin aralarynda janjal týyndap, kúdikti bótelkelesine pyshaq salady. Oqıǵa ornynan 4 pyshaq tárkilendi. Sot-medıtsınalyq saraptama taǵaıyndaldy.