Qosshy Nur-Sultanǵa qosyla ma
NUR-SULTAN. QazAqparat – Elorda irgesindegi Qosshy eldi mekeni qalaǵa qosyla ma?. Bul saýalǵa búgin qala turǵyndarymen esep berý kezdesýinde elorda ákimi Altaı Kólginov jaýap berdi, dep habarlaıdy QazAqparat tilshisi.
«Qosshy aýyl emes, úlken qala boldy. Biz Aqmola oblysy ákimdigimen tyǵyz jumys isteımiz. Ótken jyly karantın kezinde Qosshyny blok posttyń ishine qostyq. Nege? Óıtkeni, turǵyndarynyń basym bóligi qalada jumys isteıdi, oqıdy, em alady. Búkil qyzmetterdiń barlyǵy qalada sizder úshin ashyq, ony eshkim shektemeıdi. Tap osyndaı Qosshy sekildi qalanyń mańaıynda birneshe eldi meken bar. Ýrbanızatsııa júıesinde aglomeratsııa degen bar. ıAǵnı, úlken qalanyń tóńireginde qalashyqtar paıda bolady. Ol zańdylyq», - dedi Altaı Kólginov Qosshy eldi mekeni turǵynyń saýalyna oraı.
Onyń aıtynsha, qalanyń aýmaǵynda 16 turǵyn úı alaby bar. Olarda 300 myńǵa jýyq adam turady, máseleleri de jetkilikti.
Aqmola oblysy Nur-Sultan qalasymen birge tyǵyz jumys atqarady. Qazir qalaǵa qosatyn eshqandaı jospar joq. Sebebi bizde qala aýmaǵyndaǵy turǵyn úı alaptarymen aınalysatyn máseleler jetkilikti. Óńir-qala bolyp birlese jumys atqarýǵa daıynbyz», - dedi Altaı Kólginov.
