Qosshy men Qoıandy kentindegi balalardan koronavırýs anyqtaldy
NUR-SULTAN. QazAqparat – Aqmola oblysyndaǵy Qoıandy men Qosshy kentindegi balalalardan koronavırýs anyqtaldy, dep habarlaıdy QazAqparat Jedel shtabqa silteme jasap.
Vırýsty juqtyrǵandardyń biri — Aqkól aýdanynyń 1976 jylǵy turǵyny, ol ózine deıin koronavırýsty juqtyrǵan adammen jaqyn qarym-qatynasta bolǵan. 30 sáýir kúni Aqkól aýdandyq aýrýhanasynyń karantındik statsıonaryna jatqyzylǵan.
Qalǵan eki adam Tselınograd aýdanynda tirkeldi. Olardyń biri 2010 jylǵy qyz bala, Qosshy aýylynan, ol da vırýsty juqtyrǵan adammen baılanysta bolǵan. Ákesi Nur-Sultan q. kásiporyn qyzmetkeri.Ekinshisi Qoıandy aýylynan — 2014 jylǵy ul bala. Úı karantıninde bolǵan. Nur-Sultan q. atalǵan kásiporynmen baılanysty.
Aýrýhanaǵa jatqyzý orny retinde Aqmola oblystyq týberkýlezge qarsy dıspanseri anyqtaldy.
Atalǵan azamattarmen baılanysta bolǵan adamdardy anyqtaý úshin sanıtarlyq-epıdemıologııalyq tergeý jumystary júrgizilip jatyr. Aýrý oshaqtaryn zararsyzdandyrý jumystary qolǵa alynǵan.
Oblys statsıonarlarynda 256 emdelýshi jatyr, olardyń ishinde 17-si provızorlyq statsıonarda, 225-i karantındik statsıonarda, 14-i juqpaly aýrýlar statsıonarynda.
718 adam úı karantıni rejımin saqtap otyr.
