Qosshy qalasyndaǵy órt sóndirildi
QOSShY. QazAqparat – Aqmola oblysy Tótenshe jaǵdaılar departamentiniń baspasóz qzymeti Qosshy qalasynyń demalys bazasyndaǵy órt sóndirilgenin málim etti, dep habarlaıdy QazAqparat tilshisi.
«Chıstye prýdy» demalys aımaǵyndaǵy derbes turǵan qonaqjaıdy sharpyǵan órt saǵat 16.00 kezinde aýyzdyqtalyp, 18.00-de tolyq óshirildi. Jalyn 450 sharshy metr aýmaqqa taraǵan. Buǵan deıin habarlaǵanymyzdaı, qurban bolǵandar men zardap shekkender joq. Órttiń sebebi anyqtalyp jatyr», - dep jazylǵan departament málimetinde.
Eske salsaq, osyǵan deıin Qosshy qalasyndaǵy demalys bazalarynyń biri órtenip jatqanyn jazǵan bolatynbyz.
«2 naýryz kúni saǵat 13.23-te Qosshy qalasynyń Áıteke bı kóshesindegi 33 «a» mekenjaıy boıynsha ornalasqan «Chıstye prýdy» demalys aımaǵynyń aýmaǵynda ǵımarattyń shatyrynan órt shyqqan. Órttiń aldyn ala sebepteri men sharpyǵan aýdan anyqtalyp jatyr. Qurban bolǵandar men zardap shekkender joq. Oqıǵa ornyna Aqmola oblysy Tótenshe jaǵdaılar departamentiniń 1 tehnıkasy men 4 qyzmetkeri, Nur-Sultan qalasy Tótenshe jaǵdaılar departamentiniń 2 tehnıkasy men 7 qyzmetkeri bardy. Órt áli sóndirilgen joq», - delingen edi Aqmola oblysy Tótensha jaǵdaılar departamentiniń baspasóz qyzmeti bergen málimette.
