Qosshy emhanasy naýqastardy qobyz únimen emdeı bastady

Mýzyka terapııasy medıtatsııany almastyrady. Aqmola oblysynyń aqhalattylary psıhologtyń qabyldaýynda qobyz únin qoldana bastady, dep habarlaıdy QazAqparat 24.kz arnasyna silteme jasap.

Ulttyq aspappen oınaǵan áýender janǵa jaılylyq syılap, kúızelisten shyǵýǵa kómektesedi deıdi mamandar.

Baıyrǵy zamannan qasıetti dep sanalǵan qobyzdyń úni búginde medıtsınalyq maqsatta qoldanyla bastady.

Qosshy qalalyq emhanasynyń mamandary psıhologııalyq kómek aıasynda «Qobyz terapııasyn» iske qosty.

- Qobyz terapııasynyń paıdaly tusy - 18 jastan asqan eresekterge ǵana qoldanylady. ıAǵnı psıhıkalyq júıke júıesi aýyr naýqastarǵa qoldanýǵa bolmaıdy. Birinshi endokrındik aýrýlarǵa, gınekologııalyq aýrýlarǵa, ınfarkt aýrýlaryna jáne sozylmaly aýrýlarǵa qoldanýǵa bolady, - deıdi №1 Qosshy qalalyq emhanasynyń psıhology Baljan Qanapııaeva.

Medıtsınalyq mekemede 10 adam qobyz terapııasynan ótken. Em alǵandardyń qazirgi jaǵdaıy jaqsy deıdi mamandar.

Psıhologtyń aıtýynsha, qobyzdyń qońyr úni kúızeliste júrgen talaı janǵa shıpa bolǵan.

- «Qobyz terapııasy» - mýzykalyq terapııanyń bir bóligi. Biz munda qazaq halqynyq ulttyq kolorıtine saı áıýenderdi paıdalanamyz. Psıhologııalyq kómek aıasynda júrgiziletin bul ádis aýtagendik jattyǵýlarǵa jatady. Bizde «Qobyz terapııasy» bıyl sáýir aıynan bastap jekelegen jaǵdaılarda qoldanylady jáne nátıjesi jaqsy, - dep atap ótti №1 Qosshy qalalyq emhanasy bas dárigeriniń orynbasary Tatıana Bıshoraeva.

Aldaǵy ýaqytta emhana mamandary 60 jastan asqandarǵa toptyq kezdesýler ótkizýdi josparlap otyr.

Kúndizgi statsıonarda ata-ájelerge arnap trenıngter men oıyndar uıymdastyrylady. Bul Altsgeımer aýrýynyń aldyn alý úshin kerek.