Qosshy aýylynda gazben dánekerleýshi úsh adam jaraqat aldy
KÓKShETAÝ. Naýryzdyń 2-si. QazAqparat /Janmurat Janaıdarov/ -Aqmola oblysyna qarasty Tselınograd aýdany aýmaǵyndaǵy Qosshy aýylynda gazben dánekerleý jumystary barysynda úsh adam jaraqat aldy,
dep habarlaıdy QazAqparat tilshisi oblystyq tótenshe jaǵdalar departamentiniń baspasóz qyzmetine silteme jasap.
Keleńsiz jaǵdaı naýryzdyń birinde 9 saǵat 20 mınýtta dánekerleýshilerdiń jumys istep jatqan kezinde oryn alǵan. «Nuraı-Qurylys» jaýapkershiligi shekteýli seriktestiginiń jumysshylary qoldanyp júrgen qondyrǵydan gaz shyǵyp, jarylys bolǵan. Jumys ornynda ekinshi jáne úshinshi dárejeli kúıikke shalynǵan seriktestiktiń úsh dánekerleýshisi Astana qalasyndaǵy Travmatologııa ǵylymı -zertteý ınstıtýty jaraqat bólimishesine jetkizilgen. Qazir olarǵa em-dom jasalyp, dárigerler baqylaýynda. Quzyrly oryn qyzmetkerleri tergeý amaldaryn jalǵastyrýda.
