Qosshydaǵy demalys ornynda basseın sýyna alty jasar bala batyp ketti
ASTANA. KAZINFORM – Aqmola oblysynyń polıtseıleri Qosshy qalasyndaǵy demalys oryndarynyń birinde kóz jumǵan balanyń ólimine qatysty sotqa deıingi tergep-tekserýdi bastady.
Aqmola oblysy Polıtsııa departamenti baspasóz qyzmetiniń málimetinshe, 2026 jylǵy 17 shildede Qosshy qalalyq polıtsııa bólimine demalys aımaǵyndaǵy basseınde shomylý kezinde kishkentaı balanyń mert bolǵany týraly habarlama túsken.
– Atalǵan fakti boıynsha sotqa deıingi tergep-tekserý bastaldy. Qazir oqıǵanyń mán-jaıy anyqtalyp jatyr. Qajetti sot saraptamalary taǵaıyndaldy, – dep habarlady vedomstvo.
Redaktsııanyń málimetinshe, kóz jumǵan bala 2020 jyly týǵan.
Oqıǵanyń ózge mán-jaıy ázirge jarııalanǵan joq.
Polıtsııa ata-analar men zańdy ókilderdi balalardy sý aıdyndary men basseınderdiń mańynda qaraýsyz qaldyrmaýǵa shaqyrdy.
Aıta keteıik, QR ІІM málimetteri boıynsha shomylý maýsymy bastalǵaly beri 69 bala sýǵa batyp ketti.
