Qosshyda tergeý jumystaryna jasandy ıntellekt tartylyp jatyr
ASTANA. KAZINFORM — Qosshy qalasynyń polıtsııa bóliminde «AI Tergeýshiniń kómekshisi» atty pılottyq joba iske qosyldy. Bul týraly Polisia.kz habarlady.
Joba ishki ister organdarynyń jumysyna tsıfrlyq tehnologııalar men jasandy ıntellekt elementterin engizý maqsatynda qolǵa alynǵan. Ol «Zań jáne tártip» qaǵıdatyn júzege asyrý aıasynda júzege asyrylyp otyr.
Jańa bastama sotqa deıingi tergep-tekserý biryńǵaı tizilimin jańǵyrtýǵa jáne qylmystyq isterdi tergeý barysynda zamanaýı tsıfrlyq múmkindikterdi keńinen paıdalanýǵa baǵyttalǵan.
Tsıfrlyq kómekshi tergeýshilerdiń kúndelikti jumysyn avtomattandyrý arqyly protsestiń tıimdiligi men jedeldigin arttyrýǵa múmkindik beredi. Jobanyń negizgi mindeti – zııatkerlik qoldaý kórsetý arqyly qylmystyq protsestegi adamı faktordy azaıtyp, dáldik pen jedel áreketti qamtamasyz etý.
Pılottyq rejımde engizilgen joba aldaǵy ýaqytta ІІM qurylymdaryna keńinen engizilýi múmkin.
Aıta keteıik, jyl basynan beri 11 myńnan astam kıberqylmys tirkeldi.