Qosshyda salyq organynyń qyzmetkeri birneshe ret ınternet-alaıaqtyq jasaǵan
KÓKShETAÝ. KAZINFORM — Qosshy qalasynyń prokýratýrasynyń úılestirýimen salyq organynyń qyzmetkeri jasaǵan 5 ınternet-alaıaqtyq qylmys ashyldy.
Aqmola oblysy Prokýratýrasy baspasóz qyzmetiniń málimetinshe, salyq organynyń qyzmetkeri qarapaıym azamattardy deklaratsııa tapsyrý qajettigin syltaýratyp shaqyryp, olardyń jeke jáne bıometrııalyq (adamnyń bet-álpetin sáıkestendirý) derekterin óziniń uıaly telefonyna túsirip, onlaın túrinde jábirlenýshilerge mıkro-nesıeler rásimdep óziniń shottaryna aýdarǵan.
«Prokýratýranyń nusqaýlaryn oryndaý barysynda alaıaq anyqtalyp, QR Qylmystyq kodeksiniń 190-babymen (alaıaqtyq) qylmystyq jaýapqa tartyldy», — dedi vedomstvodan.
Osy rette, prokýratýra qyzmetkerleri azamattardy barlyq aqparattardy jan-jaqty tekserip, beıtanys adamdardyń onlaın rejıminde túrli qarjylyq operatsııalaryn júrgizý týraly usynystarynan saq bolýǵa shaqyrady.
Aıta ketsek, budan buryn ókilettikti asyra paıdalanǵan ákim men alaıaqtyq jasaǵan merdiger sottalǵanyn jazǵan edik.
