Qosshyda eki jasar qyzdy kólik basyp ketti

ASTANA. KAZINFORM – Oqıǵa keshe, 5-shi sáýir kúni boldy. Turǵyn úı aýlasynan kóligimen shyǵyp kele jatqan áıel kishkentaı qyzdy kórmeı qalǵan.

Qaıǵyly oqıǵanyń vıdeosy jergilikti pablıkterdiń birinde jarııalandy. Onda aýlada balalardyń oınap júrgenin kórýge bolady. Bir kezde eresekteý balalar doptyń artynan júgirip ketip, kishkentaı qyz qaraýsyz qalady. Sol sátte aýladan shyǵyp kele jatqan kólik qyzdy basyp ketedi.

- Qosshydaǵy turǵyn úılerdiń biriniń aýlasynda Kia Sportage markili kólik júrgizýshisi 2023 jyly týǵan qyzdy basyp ketken. Sábı oqıǵa ornynda kóz jumdy, - delingen Aqmola oblystyq polıtsııa departamentiniń baspasóz qyzmeti taratqan aqparatta.

Polıtsııa atalǵan oqıǵa boıynsha qylmystyq is qozǵady, tergeý júrip jatyr.

Osyǵan deıin Qaraǵandyda trotýarda ketip bara jatqan eki adamdy kólik qaǵyp ketkeni týraly jazdyq.