Qosshyda Binom School mektebi ashylady

ASTANA. KAZINFORM – Aqmola oblysynyń ákimi Marat Ahmetjanov Jibek Joly telearnasyna bergen suhbatynda Qosshy qalasynda Binom School júıesindegi mektep salynatynyn aıtty.

— Qosshydaǵy úsh aýysymdy mektepterdiń máselesi tolyq sheshildi. Tek ol qalada ǵana emes, búkil Aqmola oblysynda bir de bir úsh aýysymdy nemese apattyq kúıdegi bilim orny joq. Qazir Qosshy qalasynda 8 mektep bar. Keıingi jylda 3 jańa mektep paıdalanýǵa berildi. Onyń ishinde 1,5 oryndyq mektepti kásipkerler salyp berse, odan bólek 1,5 oryndyq taǵy eki mektep boı kóterdi. Endi «Yntymaq» turǵyn úı kesheniniń janynan memlekettik-jekeshelik áriptestigi aıasynda taǵy bir mektep ashýdy josparlap otyrmyz. Ol bilim uıasy Binom School júıesimen jumys isteıdi.  Investor mekteptiń ishin jabdyqtap, alǵashqy bes jyl muǵalimderdiń jalaqysyn tóleýge mindetteme alyp otyr, — dedi oblys ákimi Marat Ahmetjanov «Ýáde» baǵdarlamasynda.

Sondaı-aq aımaq basshysy Qosshydaǵy halyq sany resmı derekte 60 myńnan asqanymen, shyn máninde 120 myńǵa jetkenin aıtty.

Aıta ketsek, Qosshy qalasyndaǵy saqaldy qurylysqa aınalǵan «Sırenevyı sad» qurylysy qaıta jańǵyryp, 371 páter paıdalanýǵa berilgenin jazǵanbyz.