Qosshyda 6 jasar bala tórtinshi qabattyń terezesinen qulap ketti

KÓKShETAÝ. KAZINFORM – Qosshy qalasyndaǵy turǵyn úıdiń tórtinshi qabatynyń terezesinen qulap ketken 6 jasar bala aýrýhanaǵa jatqyzyldy. 

Aqmola oblysy PD baspasóz qyzmetiniń málimetinshe, jazataıym oqıǵa 16-shildede bolǵan. 

«Ata-anasy kóz jazyp qalǵan 2018 jylǵy ul bala abaısyzda tórtinshi qabattaǵy páterdiń terezesinen qulap ketti. Qazirgi kezde ol aýrýhanaǵa jatqyzyldy», - dedi vedomstvodan.

Osy rette, tártip saqshylary ata-analardy kishkentaı balalardy terezesi ashyq bólmede qaraýsyz qaldyrmaýǵa shaqyrady.

Aıta ketsek budan buryn Aqmola oblysynda bir bala terezeden qulaǵanyn jazǵan edik.