Qosshy qalasynyń áleýmettik nysandary men ınjenerlik jobalary

Osyǵan baılanysty Qosshy qalasynda birqatar iri joba júzege asyrylyp jatyr. Qala ákimi Azamat Qapyshev BAQ ókilderine uıymdastyrǵan press-týr barysynda jańa áleýmettik nysandardyń qurylysyn, ınjenerlik jelilerdi jańǵyrtý jumystaryn jáne mádenı ortalyqtyń jumysyn kórsetti. 

Qoǵamdyq mádenı-sport ortalyǵy

Qazirgi kúnde, 2023 jyly paıdalanýǵa berilgen Qoǵamdyq mádenı-sport ortalyǵynda kitaphana, kovorkıng ortalyǵy, tilderdi oqytý ortalyǵy, mádenıet úıi jáne birqatar memlekettik mekeme ornalasqan. Munda shyǵarmashylyq, sport jáne qosymsha bilim berý baǵyttary boıynsha úıirmeler jumys isteıdi.

Robototehnıka úıirmesinde balalardy halyqaralyq jarystarǵa daıyndaıdy.

– Bizdiń oqýshylar basqa jattyqtyrýshylarmen birge Italııaǵa baryp, halyqaralyq týrnırge qatysty. Onda júldeli birinshi oryndy ıelendi. Biz bul jetistikti erekshe maqtan tutamyz. Bul balalar – bolashaqtaǵy olımpıada chempıondary bolady dep senemiz, – dedi robototehnıka úıirmesiniń oqytýshysy.

Aıta ketý kerek, qosshy oqýshylary Italııa men Túrkııadaǵy halyqaralyq jarystarda júldeli oryndarǵa ıe bolǵan.
Ortalyqta sýret salý úıirmesi de bar. Munda 3 jastan 16 jasqa deıingi balalar bilim alady. Olar ıÝNESKO uıymdastyratyn halyqaralyq baıqaýlarǵa turaqty qatysady.

Ǵımaratta Qosshynyń qolóner sheberleriniń jumystary qoıylǵan. Munda Bektas Kárim, Ashat Bozymbaı, Gaýhar Qanatpaeva, Álııa Qalıasqarova jáne Nurjan Dilmanovtyń týyndylaryn kórýge bolady.
Qalada alǵash ret respýblıkalyq «Saz aspaptar sheberleri» odaǵy qurylyp, ákimdiktiń qoldaýymen «Tól qońyr» respýblıkalyq baıqaýy ótken. Baıqaýda úzdik dep tanylǵan segiz dombyra mádenıet úıiniń qoryna alynǵan.

Qolóner sheberi Álııa Qalıasqarova ulttyq ónerdi nasıhattap keledi.

– Syrmaq óneri óshpeı, sony qaıta jandandyryp, kelesi urpaqqa mura etip qaldyrǵym keledi. Sol sebepti kúndelikti úırenem, jasaımyn degen qyz-kelinshekter kelip jatyr, úıretip jatyrmyz. 200-den astam syrmaq jasap shyqtym, – dedi sheber.

Qosshy qalasynyń bes jyldyǵyna oraı 555 ana, áje men qyz-kelinshektiń qatysýymen urshyq ıirýden rekord ornatý josparlanyp otyr.

Sonymen qatar Mádenı-sport kesheniniń ǵımaratynda zamanaýı eýropalyq stılde jabdyqtalǵan kitaphana ornalasqan. Munda 20 myńǵa jýyq kitap qory, kovorkıng aımaqtary jáne noýtbýkpen jumys isteýge arnalǵan qolaıly oryndar qarastyrylǵan.

Injenerlik ınfraqurylym

Qalada jańa qazandyq ornatylyp, jylý jelileri jańartylyp jatyr. Respýblıka kóshesinde ortasha jóndeý júrgizilýde. Jol qurylysynyń úshinshi kezeńi boıynsha tórt kóshede jumys jalǵasyp jatyr.
Oǵan qosa, 209 gektar aýmaqta ındýstrıaldy aımaq qurylyp jatyr. Onda shyny, metall konstrýktsııalary, kókónis saqtaý jáne sút ónimderin óndiretin kásiporyndar ornalasady. Joba úsh myńǵa jýyq jańa jumys ornyn ashýǵa múmkindik beredi.

Sondaı-aq, Qosshyda 1500 oryndyq jańa mektep salynyp jatyr. Nysannyń jalpy aýdany – 14,5 myń sharshy metr. Qurylys jumystarynyń 70 paıyzy oryndalǵan. Mektepti 2027 jyldyń naýryzynda paıdalanýǵa berý josparlanǵan.

– Jobanyń ereksheligi, myna bastaýysh synyp pen joǵary synyptyń jeke bloktary, oqý bloktary jeke, olar qatynaspaıdy. Keleshek mektepke saı, sol standartta salynǵan. Ózderińiz bilesizder, qazir myna jaıly mektepterdiń programmasy qysqartyldy, endi osyndaı zamanaýı mektepterdi salýǵa biz qumartyp jatyrmyz, – dedi qala ákimi.

Medıtsınalyq ortalyq

Qalada Úkimet pen Viamedis Qoshy kompanııasy júzege asyryp jatqan 29 mlrd teńgelik medıtsınalyq ortalyqtyń qurylysy aıaqtalý kezeńine jetken.
Ortalyqtyń quramynda aýysymyna 1000 adam qabyldaıtyn emhana, 350 oryndyq aýrýhana, 60 oryndyq pansıonat jáne medıtsına qyzmetkerlerine arnalǵan turǵyn úıler bolady. Emhana jumysyn bastaǵan. Aýrýhanany osy jyldyń tórtinshi toqsanynda ashý josparlanǵan.

Medıtsınalyq mekeme Qosshy turǵyndarymen birge Astana mańyndaǵy jeti aýdan halqyna qyzmet kórsetedi.

– Bizde jalpy bári jumys istegennen keıin 1200-deı adam osy jerde jumys isteıdi, ortalyqta. Qazirgi kúnde emhanada 262 adam jumys isteıdi, onyń 74-i dáriger. Endi biz olar úshin turǵyn úılerdi salyp jatyrmyz, eger ózimiz shaqyrǵan bilikti mamandar bolsa, biz olardy turǵyn úımen qamtamasyz etemiz, – dedi Viamedis Kosshy JShS Bas dırektorynyń orynbasary Nurlan Qasymov.

Press-týr kezinde jýrnalıster 2023 jyly Memleket basshysynyń qatysýymen ashylǵan 1500 oryndyq mektepte de boldy. Qazir munda eki aýysymda 2772 oqýshy oqıdy. Mektepte 114 synyp-komplekt jumys isteıdi. Barlyq synyp 25 baladan jasaqtalǵan. Ǵımaratqa 123 beınebaqylaý kamerasy ornatylǵan.

Oqýshylar tigin, aǵash jáne metall óńdeý kabınetterinde tájirıbelik sabaqtarǵa qatysady. Kitaphanada qazaq jáne orys tilderindegi kórkem ádebıet pen tanymdyq kitaptardyń qory jınaqtalǵan.

Osylaısha, qosshy qalasynda Halyq sanynyń ósýine baılanysty bilim berý, medıtsına, mádenıet, óndiris jáne kommýnaldyq júıeler baǵytynda birqatar iri jobalar júzege asyrylyp jatyr.
Jańa mektepter, kópbeıindi medıtsınalyq ortalyq, ındýstrıaldy aımaq, mádenı-sport nysandary men jańartylyp jatqan ınjenerlik jeliler qala turǵyndarynyń ómir sapasyn arttyrýǵa baǵyttalǵan.
Buǵan deıin LRT jelisiniń sońǵy aıaldamasy qala kireberisinde bolatynyn jazǵanbyz.