Kospaev uıymdasqan qylmystyq toby múshelerin shekaradan ótkizgen turǵyn ustaldy

TARAZ. QazAqparat – Jambyl oblysynyń prokýratýrasy «Kospaev» uıymdasqan qylmystyq toby múshelerin memlekettik shekaradan ótkizgen turǵyndy ustady, dep habarlaıdy QazAqparat Bas prokýratýranyń resmı saıtyna silteme jasap.

Uıymdasqan qylmystyq top músheleri: Shalın, Imashev jáne Qospaevqa Qarjylyq monıtorıng agenttigi Qylmystyq Kodekstiń 249 (reıderlik) jáne 262-baptarymen (uıymdasqan qylmystyq top qurý jáne qatysý) halyqaralyq izdeý jarııalaǵan.

Belgili bolǵanyndaı, top músheleri Jambyl oblysynyń aýmaǵynda ornalasqan memlekettik shekara arqyly elimizden shyǵyp ketken. Osy rette, 2022 jylǵy 10 qarashada Qordaı aýdandyq polıtsııa bólimi QK-niń 394-baby 2-bóligimen (zańsyz kóshi-qondy uıymdastyrý) qylmystyq is tirkegen. 2022 jylǵy 11 qarashada Qordaı aýdanynyń prokýrory Birlik Іzbasarovtyń qaýlysymen polıtsııa jáne shekara basqarmasynyń tájirıbeli qyzmetkerlerinen mekemearalyq top qurylady.

Prokýratýranyń úılestirý jumystary nátıjesinde, olardy 2022 jylǵy 6 tamyzda Sortóbe aýylynyń mańyndaǵy ótkel arqyly memlekettik shekaradan ótkizýdi uıymdastyrǵan jergilikti turǵyn anyqtalyp, ustaldy.

Kúdikti kinásin tolyq moıyndady. Sotqa deıingi tergep-tekserý jumystary júrip jatyr jáne ol prokýratýranyń baqylaýynda.

Foto: gov.kz