Kosovodaǵy saılaýda saılaýshylarǵa qysym kórsetilgen
ASTANA. 4 qarasha. QazAqparat - Kosovo men Metohııadaǵy jergilikti saılaý kezinde ultshyldar tarapynan qysym jasalyp, birqatar qylmystyq jaǵdaılar oryn aldy. Bul eldiń azamattary qala basshylary men jergilikti depýtattardy saılady, dep habarlady RBK.
Kosovonyń Serbııaǵa qosylýy úshin urandaǵan ultshyldar saılaýdy shetqaqpaılaýǵa shaqyrdy. Olar saılaý ýchaskelerine baryp, saılaýǵa qatyspaqshy bolǵandarǵa til tıgizip, qorqytqan. Budan da soraqy jaǵdaılar oryn alǵan.
Kosovka-Mıtrovıtsa qalasynda betin maskamen tumshalaǵan belgisiz qylmyskerler «Svıatoı Sava» orta mektebindegi saılaý ýchaskesine basa-kóktep kirip, qoqys salatyn jáshikterdi syndyryp, bıýlletenderdi joıyp, terezelerdi syndyrǵan, tipti kózden jas aǵyzatyn gaz da shashqan. Keıin oqıǵa ornynan izderin sýytqan.
Tańerteń erte Serbıtse keńesi músheligine úmitker Bekım Bırınskıhıdiń óltirilgeni belgili boldy. Polıtsııanyń aıtýynsha, onyń óliminiń saıasatqa esh qatysy joq, ol turmystyq jaǵdaıda qaıtys boldy dese, Bırınskıhıdiń jaqtaýshylary kerisinshe oıda. Serbııanyń vıtse-premeri Aleksandr Výchıch tipti Kosovo bıliginen 45 mınýtqa serb kúshteriniń Kosovka-Mıtrovıtsedegi jaǵdaıǵa aralasýyna múmkindik berýin suraǵan.
