Kosovo Respýblıkasynyń prezıdenti otstavkaǵa ketpek
ASTANA. Qyrkúıektiń 28-i. QazAqparat - Jartylaı moıyndalǵan Kosovo Respýblıkasynyń prezıdenti Fatmır Seıdıý otstavkaǵa ketý týraly sheshim qabyldady. Memleket basshysynyń saıası partııaǵa da qatar jetekshilik etýin zańsyz dep tanyǵan eldiń Konstıtýtsııalyq sotynyń qaýlysyna sáıkes ol osyndaı baılamǵa keldi,
dep habarlaıdy RBK.
Kosovo prezıdentiniń sózine qaraǵanda, onyń otstavkaǵa ketýi «memlekettik ınstıtýttar men olar qabyldaǵan sheshimderge qurmetti» kórsetedi, degenmen F.Seıdıý sot sheshimimen kelispeıtinin jáne Konstıtýtsııany buzdy degen aıypty moıyndamaıtynyn bildirdi, dep habarlaıdy Associated Press.
F.Seıdıý bir kezderi Kosovonyń serb avtonomııalyq ólkesiniń prezıdenti Ibragım Rýgova múshe bolǵan «Kosovo demokratııalyq lıgasy» partııasynyń jetekshisi bolyp tabylady. 2011 jyly ótetin parlamenttik saılaýǵa baılanysty, aldaǵy taıaý aralyqta partııa ishinde kadrlyq aýys-túıister bolady dep kútilýde.
